Жастарды еңбекке баулу және мамандықтарын дұрыс таңдауға бағыт беру – маңызды істердің бірі. Саналы түрде таңдалған мамандық жеке тұлғаның болашақ өміріне әсер етеді. Болашақтағы кәсіби мақсатына дұрыс бағыт алған оқушы бойындағы қабілетін шығармашылықпен дамыта білсе, сапалы маман ретінде қалыптасатыны белгілі. Сол себепті, қазіргі таңда оқушыларға кәсіби бағдар ұсынып, кеңес айту үлкен маңызға ие. 03.04.2026 ж күні Маңғыстау техникалық колледжінің оқытушылары Ә.Кекілбайұлы атындағы жалпы орта білім беретін оқу орнының 9-11 сынып оқушыларына «Сапалы білім-сенімді мамандық-табысты болашақ» атты кәсіби бағдар беру іс-шарасын ұйымдастырды. Маңғыстау техникалық колледжі – қазіргі заманауи талаптарға сай, жан-жақты сұранысқа ие мамандық иелерін даярлайтын техникалық-кәсіптік білім беру ордасы, жаңа заманауи құрылғылармен мамандықтарды меңгеруге және сол үрдіспен оқытуға барлық мүмкіндіктер қарастырылған, қарқынды дамып келе жатқан және уақыт талабына бейімделген білім беру мекемесі. Колледжіміздің басқа оқу ордаларынан артықшылығы да осында.
