«Заң және тәртіп» қағидаты аясында «Адамгершілік қарым-қатынас мәдениеті: құрмет, келісім және жеке шекаралар» тақырыбында кездесу өтті.
Іс-шара барысында қатысушылар адамгершілік құндылықтардың қоғамдағы рөліне тоқталып, құрмет пен жауапкершіліктің құқықтық мәдениетпен тығыз байланысты екенін талқылады. Қарым- қатынастағы келісім ұғымы – тек әдептілік емес, сонымен қатар заңмен қорғалатын маңызды қағида екені атап өтілді.
Кездесу барысында қатысушылар пікір алмасып, өмірлік жағдайлар арқылы өз көзқарастарын білдірді. Ашық диалог мәдениетті қарым-қатынас қалыптастырудың маңызын тағы бір мәрте көрсетті.
Осындай кездесулер жастардың құқықтық сауаттылығын арттырып қана қоймай, саналы әрі жауапты қоғам қалыптастыруға ықпал етеді. Құрмет, келісім және жеке шекараларды сақтау — заң мен тәртіпті құрметтеудің айқын көрінісі.
