Ағымдағы жылдың 3 ақпан күні колледжімізде кәсіби шеберлікті дамытуға бағытталған WorldSkills 2026 колледжішілік чемпионатының салтанатты ашылу рәсімі жоғары деңгейде ұйымдастырылды.
Бұл чемпионат – студенттердің кәсіби біліктілігін арттыруға, еңбек нарығында сұранысқа ие маман ретінде қалыптасуына, сондай-ақ тәжірибелік дағдыларын жетілдіруге мүмкіндік беретін маңызды алаң. WorldSkills қозғалысы жастардың шығармашылық әлеуетін ашып, олардың өз мамандығына деген қызығушылығы мен жауапкершілігін арттыруға ықпал етеді.
Биылғы чемпионатқа қатысып отырған барлық студенттерге шығармашылық табыс, сенімділік және жоғары нәтижелер тілейміз. Әрбір қатысушы бұл сайысты өз мүмкіндігін көрсетуге, тәжірибе жинақтауға және кәсіби тұрғыда шыңдалуға берілген үлкен мүмкіндік ретінде қабылдайды деп сенеміз.
🏆 WorldSkills 2026 колледжішілік чемпионаты – болашақ білікті мамандардың кәсіби жолындағы маңызды қадам!
